Sa interbyu sa DXDC RMN Davao kang Fire Chief Inspector Arthur Joseph Urquiza, City Fire Marshall sa Tagum City Fire Station, gisaka na ngadto sa provincial level ang fire incident tungod usab sa kadako sa insidente.
Gilantaw nila ang anggulong electrical related ang posibleng hinungdan sa sunog ug estimated P30 million ang damyos sa duha ka mga gambalay.
Nagsugod ang sunog sa building one kun warehouse diin nakabutang ang mga appliaciances subay sa affidavit sa guwardiyang naka-duty sa pagkahitabo sa sunog.
Gi-cordon sa pagkakaron ang ground zero ug walay gitugutang makasulod sa buildings aron dili kini ma-contaminate atol sa pagarangkada sa imbestigasyon sa special team sa BFP.
Nilungtad og sobra pito ka oras nga nagsugod pasado alas 10 sa gabie adlawng Dominggo una nagdeklara’g fireout alas 5:45 sa buntag sa adlawng Lunes.
RadyoMaN Aimee Guinita
