Ta enfrenta ahora pesao caso el un grade ten estudinate del City High School West despues ya cuji na su possession el maga guardia del escuela ta precura le hace entra 31 paquete de marijuana del Webes antede man medio dia.
Con el estudiante ya conose como si Anashirwan Uddin y Dalam, 19, de Campo Islam.
Asegun ta entra ya na gate del escuela si Uddin y cuando ya chequia conel su backpack el maga guardia yap pwede sila encuntra plastic bag ta contene 31 paquete de marijuana.
Dayun ya lleva na attencion del escuela con el asunto y ya reporta na pulis.
Ya responde el maga pulis hasta ya aguanta con Uddin y ya lleva conele na estacion mientras con el maga marijuana ya entrega na PNP Crime Laboratory.
Pesao caso de illegal droga ta enfrenta ahora si Uddin.
