Davao City – Priso sa San Pedro PNP ang usa ka estudyante nailang Jansean Reyes, 19 anyos, residente sa Purok 5 Brgy. San Vicente Gala-Gala, Panabo City.
Matud pa nasikop sa kapolisan ala-1:20 sa hapon didto sa Peoples Park nahimutang sa may Pelayo St. siyudad sa Davao.
Base sa report gikan Presinto Dos, sa dihang gi-check or gisusi ang bag sa amigo sa suspek nga si Rhomer Jade Orcullo kalit miingon ang suspek nga naay bomba ang bag hinungdan nga naalarma ang katawhan sulod sa maong park.
Daling gisikop ang suspek nga si Jansean Reyes ug giturn-over sa San Pedro PNP kinsa karon mag-atubang og tukmang kaso subay sa Presidential Decree 1727 kun ang Anti-Bomb Joke Law of the Philippines.
RadyoMaN Don Pulayao
Facebook Comments
