Estudyante arestado sa droga

54

Davao City – Arestado sa kapolisan San Pedro PNP ang usa ka estudyante atol sa gilusad nga Joint Anti Illegal Drug Operation alas-9:05 kagabie sa Daang Patnubay St., Phase 2, Sandawa siyudad sa Davao.

Sa report gikan sa San Pedro PNP, naila ang dinakpan nga usa ka Gerald Acero, 18 anyos, residente sa nahisgutang lugar.

Sumala pa sa dihang gikasa sa kapolisan ang buy-bust operation, malampuson nga napalitan ang suspect og usa ka pakete sa shabu kambiyo ang buy-bust money nga P500 apan wala ka bantay ang suspek nga sakop sa otoridad ang iyang gikatransak hinungdan sa pagkaaresto niini.

Narekober sa kapolisan ang usa ka sachet sa shabu nga adunay estimated street market value nga P500 lakip ang usa ka cellphone nga maoy gigamit sa suspect sa iligal nga transaksiyon.

Ang dinakpan nga si Acero balhog na sa detention cell sa San Pedro PNP ug mag-atubang og kasong kalapasan sa Akta Republika 9165 kun Comprehensive Dangerous Drugs Act Of 2002.

RadyoMaN Don Pulayao

Facebook Comments