Sa interview sa DXDC RMN Davao sa biktimang si Ritchter Kie Corpuz Jr., iyang gisaysay nga ala 1:00 sa kadlawon, padulong na unta siya muoli sa New Corella gikan sa eskwelahan sa dihang nadesisyonan niyang mupahulay usa sa terminal tungod sa kakapoy. kalit lang nibutho ang duha ka mga tulisan ug nisuway og hulbot sa iyang cellphone, apan wala kini nakuha hinungdan nga siya gisumbag sa nawong.
Wala pa nakontento, gitabangan pa kini og kulata ug gidunggab sa likod gamit ang icepick o screw sa ikatulong higayon.
Hinuon, anaa na sa luwas nga kahimtang ang biktima human sa operasyon.
“Ako si Cookie , naga ingon nga God is so good in many ways , siguro di nato masabtan iyang plano pero always remember nga God is so good all the time , all the time God is good,” segun ni Corpuz.
Ang insidente padayong giinbestigahan sa kapulisan aron mailhan ug madakpan ang mga suspetsado.
RadyoMan Ivy Parido
