IliganCity- Patay ang usa ka estudyante human kini gipusil sa wala mailang mga suspetsado alas 8 kapin kun kulang ang takna sa gabie diha sa may Barangay Mahayahay ning dakbayan sa Iligan.
Ang biktima nailang si Jessa Ucad 15 anyos, Grade 8 student sa Iligan City National High school annex- Tambacan ug molupyo sa purok 1 Barangay Tambacan kinsa nagtrabaho usab sa usa kan-anan diha sa Barangay Mahayahay.
Sa pag imbestigar sa kapulisan, ang biktima naigo sa ubos nga bahin sa iyang suso hinungdan sa iyang hinanaling kamatayon samtang ang mga suspetsado daling misibat sa wala matinong direksyon. Narekober ang upat ka mga empty shells diin sumala pa upat ka sunod sunod nga buto ang nadunggan didto sa crime scene.
Sumala sa imbestigador sa kapulisan, posibleng naalaan lang ang maong biktima apan padayon pa karon ang imbestigasyon sa kapulisan sa maong panghitabo.
Ang patayng lawas sa biktima anaa karon sa morgue sa City Hospital diin gitakda kining ihaya sa ilang pinuy-anan sa BarangayTambacan.
