General Santos City—Angol ang usa ka Darwin Rosauro, 23 anyos, residenti sa Olarte State, Barangay Labangal, Gensan human kining gipusil alas 5:45 ang takna sa hapon, kagahapong adlawa.
Subay sa inisyal nga imbistigasyon sa Police Station 2, kalit lang matud pang gipusil ang biktima sa suspek sa walay igong hinungdan.
Ayha matud pa ang pagpamusil, gisabayan sa suspek ang biktima padulong sa usa ka tindahan duol sa ilang panimalay, tungod ulan niadtong panahuna, sila nagsilong apan pila lang ka gutlo ang nakalabay, gipusil sa suspek ang biktima igo sa iyang nawong nga milapos sa liog.
Paspas nga misibat ang suspek sa wala masayring lugar samtang ang biktima nibalik pa sa ilang balay dayon nangayog tabang sa iyang mga silingan aron nga siya madala sa ospital.
Sa pakighinabi sa RMN News Team sa mga silingan sa biktima, walay libog ang nasampit sa ilang lugar. Wala usab silay nasayran nga nakabingkil ang biktima sa ilang lugar.
Sa karon nagpadayon ang gihimong imbistigasyon sa kapulisan kalabutan sa maong insidenti.
(Photo is for illustration only)
