Davao City- Daling gidala sa Southern Philippines Medical Center (SPMC) ang usa ka estudyante human sumala pa gitigbas sa usa ka senior citizen.
Base sa report sa Sta. Ana PNP, usa ka 22 anyos ang maong estudyante nga residente sa Lapu-lapu, Agdao, ning syudad sa Davao samtang ang nanigbas giila nga mao si Ernesto Noyad Villacarlos, 67 anyos, residente usab sa nasangpit nga lugar.
Sumala sa report, bandang alas 2:40 sa kadlawun sa dihang naabot sa may purok 7 Sta. Catalina sa maong Brgy. ang biktima kuyog sa iyang mga higala kalit lang matud pa nanigbas gamit ang usa ka bolo si Villacarlos sa wala matino nga rason.
Naka-angkon og samad sa likod ug ulo ang biktima hinungdan nga dali kining gidala sa balay- tambalanan.
Padayon ang ginahimong imbestigasyon sa kapulisan subay sa maong insidente.
RadyoMaN Paul Canono
