Davao City – Mireklamo sa San Pedro Police Station ang usa ka estudyante human sumala pa gituok sa guard on duty sa skwelahan.
Complainant giila nga si John Bryan Sayman, 20 anyos, residente sa Km. 5 Guadalupe vill. Matina Pangi ning siyudad sa Davao ug usa ka estudyante sa usa ka skwelahan nga nahimutang sa may dalang CM Recto.
Sumala sa report, sa dihang mugawas unta ang maong complainant aron mupalit og ballpen, gibabagan kuno siya matud pa sa usa ka Efraim Daliwa, guard on duty sa ilang tulunghaan nga ginasudlan niini ug kalit lamang siyang gituok sa liog.
Sa maong panghitabo dali kining mikuha og medical certificate gikan sa iyang physician ug gihatagan kini og one day healing period apan andam niyang pasakahan og physical injury ang maong security guard.
Sa karon, gisang-at una sa Bgry. level ang maong kaso.
RadyoMaN Paul Canono
