Estudyante malisoron an kahimtang human nakasandig nan live wire!

Isa ka 16 anyos, tagkilaya na si Laurence Yepis Saculingan, tinun-an nan City National High School an nakuryentahan sa did-on na nakasabod o nakasandig nan live wire sa ika- tuyong andana sa bagong bldg . na jaun mahimutang sa dayan Diez, Pantalan 2 inin syudad sa may alas 12:00 sa gabii kapin kon kuyang ,Sept 20,2019. An biktima dali na tagdaya sa Caraga Regional Hospital sanan jaun kuman sa ICU ubos sa talandugon na kahimtang.. Sumaya sa exclusibong nakuha na impormasyon nan RMN Surigao sa igsoon sa biktima ,na kagabii didto sila nanuroy sa yapa matapos na building sa may Pantalan dos sanan misaka sa 3rd floor nan amu na building sa did-on na aksidente nakasandig an ija igsoon sa linya nan koryente o live wire,rason na ini nalagpot sanan nahuyog gikan sa 3rd floor pasingod sa ubos.Dugang pa sa impormasyon na nakuha sa RMN na may paso sa lawas an biktima lakip bun-og sanan jaun gipahimutang kuman sa ICU nan Caraga Regional Hospital. ( RadyoMaN Romy Salut Brinquez)

Facebook Comments