Estudyante may HIV/8 ka mga high school nga estudyante sa South Cotabato, positibo sa HIV.

33

Nagpositibo sa balatian nga Human Immuno Deficiency Virus (HIV) ang walo ka
mga estudyante sa high school sa ginapatigayon sa subong nga mobile free
HIV testing sang Provincial Health Office sang South Cotabato sa mga public
kag private secondary schools dire sa probinsya.

Samtang sa subong suno kay John Codilla, HIV/AIDS focal person sang
Provincial Health Office sang South Cotabato nagapaidalom na sa treatment
ang walo ka mga estudyante nga yara sa edad nga 15 tubtob 19-anyos nga
lunsay mga lalaki.

Ginkumpirmar man ni Codilla nga nakuha sang nasambit nga mga kabataan ang
balatian tungod sa pagpakighilawas buot silingon sa bata nga edad
nagaengage na ang mga ini sa nasambit nga buluhaton.

Apang gin-ako ni Codilla nga indi suno pa sila basta makapatigayon sang
free HIV testing sa mga kabataan tungod kinahanglan nga may-yara sang
“parent consent” amo nga ginahingyo nila ang kooperasyon sang mga ginikanan.

Ginpahayag ni Codilla nga ginatutukan naman nila ang mga high school
students sa free HIV testing tungod sa subong nga panahon pabata-pabata na
ang mga natakdan sang balatian nga HIV kag kulang ang awareness sa mga
risgo nga aktibidades.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments