Estudyante, nadisgrasia iti motorsiklo, natay!

13968

iFM Laoag – Dead on arrival ti maysa a lalaki kalpasan a naitapwak daytoy iti maysa nga irigasion iti National Highway a paset ti Brgy. 39 Pasiocan iti ili a Bacarra itay 2:30 ti parbangon.

Nabigbig ti lalaki a ni Mr. Shan Rey Benigno, agtawen ti duapulo, maysa nga estudyante iti Data Center College of The Philippines ken residente iti Brgy. 10 iti ili a Bacarra Segun kenni Pol. Staff Sergeant Francisco V. Galo, iti imbestigador ti daytoy a pasamak, agpapaabagatan a direksion ti biktima nga usar ti motorsiklo a Honda TMX nga agmaris ti nalabbaga, awanan ti plate number ken iti kasinsinna a ni Stephen Ramiscal nu sadinno kinumpirmaranna a naggapoda dagitoy iti paggiinuman ken positibo nga addaan da iti impuensia ti arak.


Segun iti inbatad ni Ramiscal, agturongda kuma iti siudad ti Laoag iti dayta a kanito a mapan mangan, ngem bayat ti panangbayabayda iti nadakamat a lugar ket ditan a napukawan ti kontrol ni Benigno iti agkurba a paset ti kalsada a nangitunda ti pannakaitapwakna iti irigasion.

Insigida a naitaray ti biktima iti Governor Roque B. Ablan Senior Memorial Hospital ngem indeklarar ni Dr. Frankie Pete Albano a dead on arrival gapu iti sinagabana a head injury. (Joe Anne Agustin, RMN News)

Facebook Comments