Davao City – Aksidenteng nahulog gikan sa ikatulong andana ang usa ka 17 anyos nga babae sulod sa usa ka pribadong tulunghaan.
Base sa rekord sa Tugbok PNP, anaa sa 4th floor sa Holy Child College of Davao Mintal ang maong estudyante uban ang iyang higala apan kalit nga nahulog ang iyang panyo ug nasangit sa atop sa third floor.
Ginaog sa biktima ang maong panyo ug gitumban ang bildo hinungdan sa pagkabuak niini ug pagkahulog sa estudyante.
Gibana banaang adunay gitas-on nga 10 feet ang gitagakan sa estudyante gikan sa third floor.
Nasayran nga conscious ang maong estudyante sa dihang gidala kini sa balay tambalanan samtang ang mga personahe sa maong tulunghaan andam motubag sa tanang panginahanglan sa maong magtutungha.
RadyoMaN Paul Canono
Facebook Comments
