Pagadian City – Pangandoy unta sa Grade 10 student nga si Aljon Terez nga mamahimong civil engineer apan kini nga pangandoy hingpit nga natuldokan kay wala naman kini makapadayon sa pagtungha.
Bag-o palang gibawian sa hinulaman nga kinabuhi ang biktimang si Aljon nga taga-Barangay Danlugan ning syudad sa Pagadian gumikan pinaakan sa iro nga may rabies.
Pamahayg sa inahan sa biktima nga si Nanay Rosemarie, kalit nga gitakbuyan og hilanat ang iyang anak niadtong adlaw nga sabado hinoon inanay matud pa nga naayo ang bata apan ilang nadiskrobehan nga nagkaluya kini pagkaayo.
Nakahukom ang mga ginikanan sa biktima nga idangop sa ospital ang bata og dinhi na nila nasuta nga napaakan og iro nga dunay rabies ang ilang anak.
Gidugang sa mga ginikanan sa biktima gi-tago sa ilang anak nga si Aljon ang sitawasyon nga nahitabo niadto pang bulan sa desyembre.
Base usab sa ilang nasayran, nagpakaon og iro ang biktima didto sa Brgy, Kawit ning syudad dihang aksidente kining nabanghagan ug napaakan sa la-aw nga iro nga nisalo pagkaon sa iro nga binuhi sa iyang apohan.
Sumala pa ni Nanay Rosemarie naglisud sila pag-paadmit sa bata kay walay tambal sa available nga tambal sa rabies ang upat ka ospital nga ilang gisudlan diin sa ikalima nga ospital nga ilang gidad-an didto na nadapatan og tambal ang biktima apan pagka-ugma wala na maantos sa bata ang iyang sitwasyon.
Gumikan sa pagtoo nga rabbies ang gikamatyan sa biktima gitambagan matud pa sila sa mga doctor nga ilubong dayon ang ilang anak.
