Davao City- Personal nga nipatala sa presinto dos sa San Pedro PNP ang usa ka estudyante human kini gikawatan og kwarta sa kantidad nga 15,000.00 ka pesos lakip ang usa ka color blue flash drive gibutang sulod sa pack bag ala 1:15 sa hapon natigayon sa de Jesus St. Brgy. 35-D ning dakbayan.
Sa report gikan sa San Pedro PNP naila ang biktima nga si Cherly Macailing, 27 anyos, estudyante ug residente sa Lot 9 Chula Vista Residence Cabantian, Davao City, samtang ang duha ka mga suspek ginganlan mao sila si Richard Cedenio, 40 anyos, ug si Eric John Surban, hingkod ang edad, pareho nagpuyo sa Purok Manggahan Brgy. 76-A Bucana ning siyudad.
Matud pa report, samtang naglakaw ang biktima niadtong tungora kalit kini giduol sa suspek ug wala kabantay ang biktima nga malampuson nga nakawat ang iyang kwarta.
Gilayun giadtoan o girondahan sa kapulisan sa Brgy. 76-A Bucana ug didto nasikop ang suspek nga si Cedeno samtang ang usa nga kauban sa suspetsado nga si Surban ang nakasibat.
Ang duha ka suspetsado napaylan na og kasong qualified theft o pagpangawat nga gi sang-at ngadto sa korte.
RadyoMan Don Pulayao
