Estudyante nakuhaa’g marijuana sikop sa buy bust operation

Davao City – Dakpan sa mga operatiba sa Ecoland ang usa ka estudyante human malampusong napalitan og usa ka rectangular self-sealed transparent plastic sachet nga dunay sulod nga pinauga nga dahon sa marijuana atol sa gikasang drug buy bust operation sa Purok 60, Patnubay St. Sandawa, SIR Phase 1, Brgy. 76-A syudad sa Davao.

Sa report gikan sa Ecoland Police Station, naila ang dinakpan nga si Jan Michael Villegas, 20 anyos, residente sa nasampit nga lugar.

Narekober sa mga awtoridad gikan sa suspek ang usa ka unit nga cellphone, 3,000 buy bust money, boodle mark money ug pinaugang dahon sa marijuana nga gibana-banaan anaa sa gibug-aton nga 34.27 grams nga mokantidad sa kapin 4,000.00.

Ang dinakpan balhug na sa selda sa Ecoland Police Station og mag-atubang og kasong kalapasan sa RA 9165 kon Comprehensive Dangerous Drugs Act of 2002.

Nahinabi usab sa team sa DXDC ang inahan sa suspek nga di lang magpaila ug matud pa nga wala nagdahum ang inahan nga nagapamaligya og illegal nga droga ang iyang anak ug nagtoo siya nga posibleng nadala lang kini sa iyang mga barkada.

RadyoMaN Don Pulayao