Davao City – Naharang sa kapulisan ug Task Force Davao ang usa ka estudyante human nakuhaan og pinaugang Marijuana atol sa gihimong check point alas 10:30 sa gabie sa may Licanan Brgy. Lasang, Bunawan District, Davao City.
Subay sa report gikan sa Davao City Police Offic (DCPO) ang suspek naila sa pangalang usa ka Richard Mante, 21 anyos, estudyante ug nagpuyo sa Purok 10, Kalubihan Banay-Banay, Davao Oriental.
Matud pa sa dihang gipahigayon ang pag-inspeksyon sa mga pasahero sa pagpanguna ni Police Chief Inspector Estrillo Ramiso, station commander sa Bunawan PNP kauban ang TF Davao, narekober gikan kang Mante ang usa ka gituohang pinaugang dahon sa Marijuana with frueting top nga gibalot og kalendayo mutimbang ug usa ka gramo nga mukantidad ug 400.00 pesos.
Ang dinakpan priso na sa Bunawan PNP ug gihikay na ang kasong kalapasan sa RA 9165 kun Comprehensive Dangerous Drugs Act of 2002.
RadyoMaN Don Pulayao
