Davao City – Angol ang usa ka 18 anyos nga babaye sa dihang nabundolan kini og motorsiklo nga sa may Purok 4 Barangay Biao Guianga Tugbok District ning siyudad.
Biktima naila nga si Mylene Gordon Navarro residente sa nahisgutan nga lugar.
Sa rekord nga nahipos sa Tugbok PNP, bandang alas 10:40 sa kabuntagon padulong si Rogelio Diego Gempsesaw Jr., ang driver sa motorsiklo, sa dalang National Highway Davao Bukidnon road.
Sa pag abot sa nahisgutan nga lugar wala makabantay ang driver nga mitabok sab kining estudyanteng babaye ug aksidenteng nabundulan ug natumba sa sementadong kalsada.
Nalagpot usab ang driver sa motorsiklo ug daling gidala sa Holy Spirit Hospital sa may Barangay Mintal ning siyudad.
Nasayran nga walay lisensya gikuptan ang maong driver.
Sa kasamtangan padayun pang gina obserbahan ang kahimtang sa panlawas sa mga biktima samtang gi kustodiya na ang motorsiklo ni Gempesaw sa kapolisan sa Tugbok PNP.
RadyoMaN Paul Canono
