Davao Occidental – Gipaak og bitin ang usa ka estudyanteng menor de edad alas 7:00 sa buntag nahitabo didto sa Brgy. Talogoy Malita, Davao Occidental.
Subay sa report gikan sa Malita District Hospital (MDH), naila ang biktima usa ka alyas ‘Ricka’, 15 anyos, nagtungha sa Talogoy Ext. National High School sa nasangpit nga barangay.
Sumala pa sa inahan sa biktima nga si alyas Jennifer, samtang padulong ang iyang anak sa eskwelahan kalit nahulogan og usa ka lala nga bitin nga dunay color combination nga black ug white ang nipaak sa walang tiil ug gilikusan pa sa bitin.
Ang biktima nakaangkon og tulo ka pinaakan hinungdang naluya ang biktima ug daling gitabang ug gidala sa MDH.
Samtang nakarecover na ang biktima human gitambalan, hinuon wala pa ma trace up sa mga attending physician kun unsa nga klase nga bitin nga nipaak sa biktima.
RadyoMaN Don Pulayao
