Estudyante nga lalaki gintuyo nga i-abduct sang mga suspek nga sakay sa van

301

ILOILO CITY – Isa na naman ka kaso sang attempted abduction ang natabo sa syudad sang Iloilo.

Isa ka estudyante sang Fort San Pedro National high School ang tuyo nga i-abduct sang mga suspej nga sakay sa blue nga van.

Samtang nagapauli ang 12 anyos nga estudyante nga si alias Toto, ginpalapitan ini sang lalaki kag nagpamangkot kon diin ang Ortiz.

Suno sa pahayag ni alias Toto, matapos masabat ang una nga pamangkot sang lalaki, madamo pa gid sang ginpamangkot sa iya.

Natabo ini sa atubang sang barangay hall sang Barangay Duran City Proper.

Gintuyo nga butungon si Toto sang lalaki agud pasakyan sa blue nga van sa diin sakay man diri ang 3 pa ka mga lalaki.

Nakapalagyo naman si Toto kag wala madala sang mga lalaki matapos maagyan sang iya abyan kag ginsumbag ang kamot sang lalaki kag nagkuripas dalagan.

Facebook Comments