Estudyante nisulay og suicide human ‘gibagsak’

Davao City – Misulay sa paghunos sa kinabuhi ang usa ka alyas Marimar nga estudyante sa Daniel R. Aguinaldo National High School (DRANHS) pinaagi sa pag-inom og pesticide dihang matud pa gina-bash kini sa iyang maestro.

Kini mao nga pamahayag ang ginasubay sa mga ginikanan human nga dali nilang natabang ang gibating depresyon sa ilang anak.

Nakurat nalang sila bandang alas dos sa hapon miuli nga naghilak kini ug midiretso sa ilang kusina ug giyarok ang maong pesticide.


Sa ilang pakighinabi, nisumbong kanila ang minor de edad nga gibagsak kini sa iyang maestro ug gina sudyaan pang nag-ingon: “Bagsak naka ug nganong mi eskwela pa man ka nga bagsak naman ka?”.

Nagtoo ang mga ginikanan nga mao kadto ang hinungdan sa depresyon sa maong bata, ug buot gayud silang moreklamo ngadto sa DepEd aron ipaabot ang dili maayong ehemplo nga gibuhat sa maong magtutudlo.

RadyoMaN Paul Canono

Facebook Comments