Davao City – Nasikop sa kapolisan sa San Pedro ang usa ka estudyante human nakuhaan og shabu atol sa gilusad nga buy bust operation alas 3:00 sa kaadlawon didto sa Purok 2 Bucana Barangay 76-A syudad sa Davao.
Subay sa report gikan sa San Pedro PNP, naila ang dinakpan nga usa ka Michael Husain alyas Chokchok, 18 anyos ug residente sa nahisgutang dapit.
Sumala pa, nagpatuman og search warrant ang kapulisan ngadto sa pinuy-anan sa suspek apan walay nakuha nga droga hinungdan nga naglusad og buy bust operation ang kapulisan diin positibong napalitan og gituohang shabu ang suspek rason sa pagka aresto niini.
Narekober sa dinakpan ang laing pito ka sachet sa gituohang shabu nga gibanabanaag mukantidad og 8,400.00 pesos lakip nakompiska ang mga drug paraphernalia ug 500 pesos buy bust money.
Balhug na sa San Pedro Pnp ang dinakpan ug mag-atubang kini og kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
