Davao City- Mireklamo sa Talomo PNP si alyas Jessa, 18 anyos, estudyante ug nagpuyo sa Punta Dumalag, Matina Aplaya Davao City human gilugos sa usa ka welder.
Ang gitudlong suspek mao si alyas Noel, 36 anyos, welder ug nagpuyo sa San Nicolas Matina Aplaya ning dakbayan.
Giasoy sa biktima sa Women Children And Protection Desk nga gihanyagan kuno siya sa suspek og usa ka libo ka pesos ug kalit siyang giguyod padulong sa kasagbotan alas 9:00 pasado sa kagabhion.
Sa mangitngit nga kabagnotan sa Punta Dumalag gisugdan siya sa paghalok sa iyang ngabil ug gikumot ang iyang mga pribadong parte sa kalawasan sa suspetsado.
Sa dihang huboan na unta siya sa suspek dali kining milingkod ug mikisikisi dayong lugnot hangtud nga nakadagan padulong sa hayag nga parte sa maong dapit dungan ang pagpangayo og tabang.
Misibat usab gilayon ang suspek padulong sa wala matino nga direksyon samtang ang biktima midangop sa kapulisan.
RadyoMan Erin Lumosbog
