Davao City- Nakabaton ug samad dinunggaban sa mata gamit ang tinidor, gisi ang wait ug mga kinawrasan sa nagkadaiyang parte sa kalawasan ang biktima nga mao si Charrise Guleng, 19 anyos estudyante sa Tugbok National Highschool ug nagpuyo sa Barangay Tugbok Proper, Tugbok District Davao City.
Sa blotter sa Tugbok PNP, nagpatabang sa mga awtoridad ang maestro sa biktima nga mao si Marlon Baclaan human mikumpisal kini nga gina maltrato sa iyang bayaw nga si Gyllian Guleng, 27 anyos nagpuyo sa maong dapit kun masayop sa mga buluhaton sa panimalay.
Inabagan sa City Social Services Develolment Office, barangay officials, Women And Children Protection Desk sa Tugbok PNP gi-rescue ang biktima ug dali kining gipatambalan sa Southern Philippines Medical Center.
Apan ang biktima dili interesado nga idemanda ang iyang bayaw ug buot lamang niini nga ma blotter ang iyang gidangatan.
Kasamang Erin Lumosbog
