Davao City – Nagpatabang sa Talomo PNP ang usa ka estudyante human kuno tuk-a sa ilang school principal gamit ang sling sa I.D.
Sa blotter sa Talomo PNP, mireklamo si Ricardo Miguel Sante 18 anyos, nagpuyo sa Ulas, Davao City, estudyante sa St. Frances Xavier Learning Center nga nahimutang sa Catalunan Grande batok sa ilang school principal nga si Rosalina Evora tungod sa pagpangdagmal ala 1:40 sa hapon.
Gidugang sa biktima nga nasuko kuno ang ilang school principal human nga iyang gitabangan ang iyang classmate sa maong tunghaan.
Gibutyag sa biktima nga kalit lamang kuno nga gibira ang iyang school I.D sling sa iyang principal rason nga natuok ang iyang liog ug dayong bunal sa iyang kalawasan.
Giubanan ang estudyante sa iyang mga ginikanan sa dihang mireklamo sa presento tres samtang gitambagan sa mga pulis nga mukuha’g medical certificate sa SPMC.
RadyoMaN Erin Lumosbog
