Gisaysay sa amahan atol sa interbyu sa DXDC RMN Davao na-comatose ug severe head injury ang nahiaguman sa biktima tungod sa disgrasya.
Nanawagan kini sa publiko nga iampo ang iyahang anak nga adunay milagro kay gisultihan na sila sa mga doktor nga kumpikado na kining maoperahan sa ulo.
Ang biktima, 2nd Year College na sa kursong Edukasyon sa Holy Cross College of Calinan.
Dili madawat sa amahan ang nahitabo sa iyahang panganay nga anak nga taas pa kaayo ang pangandoy nga mamahimong maestra.
Desidido kining pasakaa’g kaso ang drayber sa multicab nga nakaligis sa iyahang anak.
Sa pikas bahin, nangayo’g pasaylo ang nakabanggang drayber nga si Joel Gamas Confessor.
Giingong na-blindspot kini sa usa ka kotse ug wala niya makit-i dayon ang estudyanteng nitabok sa Km. 20 Crossing 20, Brgy Los Amigos, Tugbok District ning syudad.
Gipasalig ni Confessor sa pamilya nga andam siyang atubangon ang kaso ug tanang obligasyon ngadto iyahang nadisgrasya.
Segun ni Police Captain Noe Macolbacol Jr., Deputy Station Commander sa Los Amigos Police Station nga Reckless Imprudence Resulting to Serious Physical Injury ang ipasaka sa piskalya sa amahan sa biktima kinsa magsilbing complainant sa kaso batok sa drayber.
RadyoMaN Aimee Guinita
