Davao City – Nakabsan na sa kinabuhi ang usa ka Grade 9 student nga aksidenteng nasunog niadtong Oktubre 25 samtang miapil kini og school pageant.
Base sa report, niadtong adlawng Dominggo namatay ang biktima samtang gitambalan kini sulod sa siyam ka adlaw sa Southern Philippines Medical Center.
Kahinumduman nga samtang mirampa ang babae suot ang iyang creative costume aksidenteng nasaghid og kandila nga nagsiga ang costume niini nga ginama sa abaca ug gi-sprayhan og pylux paint rason nga nasunog ang damit sa maong estudyante.
Sa pagka karon anaa na sa usa ka purenarya sa Calinan ang biktima aron sa iyang burial services samtang ang mga ginikanan buot mopasaka og kaso sa mga magtutudlo nga dunay kalabotan sa maong insidente.
RadyoMaN Paul Canono
