Evacuation centers sa Brgy. Tigatto hitsas vs kalamidad

Davao City – Padayon ang gihimong pagmonitor sa mga disaster-prone areas sa Brgy. Tigatto syudad sa Davao diin ang mga personahe sa Barangay Disaster Risk Reduction Management Council (BDRRMC) ingon man ang mga barangay tanod ang nanguna sa pagmonitor.

Sa interbyu kang Brgy. Tigatto Kapitan Lito Lapitan, hitsas na ang upat ka evacuation centers sa iyang barangay ngadto sa mga maapektohan panahon nga dunay kalamidad.

Gidugang ni Lapitan nga bisan pa man walay pagsaka sa lebel sa tubig sa Davao River, dili gihapon nila kini ginakumpyansahan diin matag oras dunay gihimong pagmonitor sa mga kasapaan sa iyang barangay.

Gipasabot ni Lapitan nga napulo ka purok sa iyang barangay ang sagad apektado panahon nga dunay masinatian nga pagbaha particular ang Jade valley, Uyanguren, Sta. Marina, San Isidro, San Vicente, Relocation, Purok 5 ug Purok 13.

“Nagamonitor pod ang atong mga Brgy. Tanod ug sa atong mga Purok Leaders,kung unsay advise sa atoang disaster (ug) automatically i-disseminate na sa mga tawo diri,” saysay ni Kapitan Lapitan.

RadyoMaN Don Pulayao.