Davao City – Gitahasan sa City Disaster Risk Reduction and Management Office (CDRRMO) ang mga barangay officials sa mga flood-prone areas nga mag-identify og dugang pa nga evacuation sites.
Sa interbyu sa RMN Davao kang CDRRMO Head Alfredo Baloran, silbi kining preparasyon inkaso’g daghang kinahanglang ipanghikling sa mga bahaunong lugar ug sa pagobserba sa social distancing nunot sa COVID-19.
Sumala ni Baloran nagpadayon ang ilahang inspeksyon sa matag barangays sa mga pasilidad.
“Nag-instruct ko sa every barangays especially katong mga maapektuhan og flooding, aside for the existing dapat naa pa tay alternative kay ngano man katong evacuation nato nga existing makita nato kung mag-evacuate dikit-dikit man gyod ang mga tao, alternate evacuate kung daghan na gyod ang ipang-evacuate,” segun ni Baloran.
Segun ni Baloran nga gawas sa mga gipreparang evacuation centers sa kada barangays, andam ang evacuation site sa syudad nga nahimutang sa Los Amigos.
RadyoMaN Aimee Guinita
