Gipaluyuhan karon ni Cabinet Secretary Leoncio Evasco ang ideya nga angay gayud ipailawom sa halawum ug mas makuting imbestigasyon ingon man ma-audit sa Commission on Audit (COA) ang kontrobersyal kaayong buhatan nga National Food Authority (NFA) gumikan sa ilang mga barug nga sukwahi ra kaysa sa direksyon sa iya sa administrasyon.
Sa usaka news presser, gitino ni Evasco nga manubag ang NFA ubos kang Administrator Jason Aquino gumikan sa pipila ka mga aktwasyon nga inay makatampo sa hilway nga sitwasyon sa atong supply sa bugas sa merkaduhan, nakatunol na hinoon kini ug dili ti-aw’ng kabalaka kun chaos o panic diha sa katawhan ug mga konsumante.
Ikaduha, angay tubagon sa NFA ang deklarasyon niini nga nahurot na ang ilang buffer stocks diha sa merkaduhan ingon man ang sugyot niini nga patas-an ang buying price sa palay diha sa kaumahan gikan sa P17 per kilo sa palay ngadto sa P20 bisan kun paingon na ang nasud sa harvest season.
Nabalaka ang CabSec nga matanum unya sa hunahuna sa katawhan nga adunay sistematikong pagkumbinser sa tawo pinaagi sa modus operandi nga ‘artificial shortage.’
Ugmang adlawa, mismong si Pres. Rodrigo Duterte makighimamat sa tanang mga major private rice traders didto sa Malacañang aron ma-preempt kun mapugngan ang posibilidad nga ang cereal shortage gamitong rason aron mo-ginansya ‘at the expense of the public.’
Nahisgotan usab ang proposal nga bungkagon na lamang ang NFA gumikan sa kapakyas niini sa pag-estabilisar sa supply ingon man presyo sa bugas diha sa nagkadaiyang mga merkaduhan.
RadyoMaN June Duterte
