TACLOBAN CITY – Ginbalhin na Han Eastern Visayas Regional Medical Center (EVRMC) an ngatanan nga consultations, admissions, ngan referrals ngadto ha EVRMC Bagacay-Cabalawan tinikangan yana nga adlaw.
Ha interview han RMN kan Marivic Bulado, EVRMC Public Health Unit Media Relations Officer, ngatanan nga emergency in aadto na ha EVRMC Bagacay-Cabalawan.
“An aton mga emergency nga pasyente ngan mga referrals aadi na ito ha Bagacay Cabalawan. Pero an aton mga psychiatric nga pasyente aadto la gihapon ha Magsaysay amu nala iton na-operate didto.”
“An surgery, medical ngan pedia aadi na ha EVRMC Bagacay Cabalawan.”
Dugang ni Bulado, gintatapos nala iton pag-ayad han iba pa nga mga buildings ha EVRMC Bagaycay-Calabalawan ngan posible maabot iton panahon nga waray na EVRMC ha Magsaysay.
“An mga pasyente o an mga na-admit didto ha EVRMC Magsaysay gin-uubos nala po ito didto ngada hit ira kadischarge. So diri na kami mapa-admit didto ha Magsaysay, kun maubos na hira kadischarge waray na ito didto nga mga wards. Aadi na ngatanan ha may Cabalawan.”
Ha pagka-yana, waray pa desisyon an EVRMC ngan Dept. Of Health (DOH) kun ano an mahitatabo ngan pag-gagamitan han EVRMC ha Magsaysay.
