EVSU students makakakarawat na hin 5K cash assistance

1637

TACLOBAN CITY – Ginpakianhan han RMN News team an mga estudyante ha Eastern Visayas State University o kun EVSU Main Campus ha Tacloban kun nakakarawat na ba hira hin 5K cash assistance nga ginpapanhatag han gobyerno para hadton college students nga nadarahigan han Supertyhoon Yolanda dida han 2013.

Urog ha ira mga baton, waray pa hira nakakarawat bis piso.

Ginkadto man gud han news team ha Commission on Higher Education o kun CHED Region 8 kun pira nala nga eskwelahan an waray pa nakakarawat.

Sumala kan Gabino Petilos, CHED scholarship coordinator, 9 nala nga Private School ha Sinirangan Bisayas an waray pa makakakarawat han mao nga assistance.

Dayon naman nga ginkadto han news team hi Rose Ann Refuerzo, Officer-in-Charge Director han Student Service Council. Sumala ha iya ada na an cheke ha ira eskwelahan pero diri pa makakarawat dayon han mga estudyante an cash grant tungod nga aruyuson pa an payroll han mga ini.

“Tarapuson kasi an payroll ha Accounting Office ito an maghihimo but we have the enrollment on-going amu ito it aton process and the number of persons amu la ito it nakakaulang but mayada man kita hito soft copy diri gad ito maiiha. Before the end of november or first week of december makakarelease na kita hini.”

5,782 an qualified nga mga estudyante ha EVSU nga makakakarawat han cash grant.

Han kadamo han mga estudyante nga hihimuan han payroll bangin daw ini maabutan hin duha ngada tulo ka semana san-o nga marelease.

“If you can observe mayada na kita hito Notice of Awards but the accounting is already preparing for the payroll kay individual man ito nga payroll hini nga mga list nga aanhi yana. So, an kadamo han number of students ansya ito an hihimuan han payroll.” Pahayag ni Refuerzo.”

Abiso han opisyal alphabetically surname an pag release han 5K cash grant. Mensahe niya ha mga estudyante, diri nala dugay iton ira paghulat.

Facebook Comments