EWAS | Banwa sang Miag-ao posible ilakip sa Election Watchlist Areas.

Pagatun-an sang 301st Brigade Phil. Army ang paglakip sa banwa sang Miag-ao sa Election Watchlist of Areas (EWAS) matapos ang sunod-sunod nga engkuwentro sa nasambit nga banwa.

Ginpahayag ni 301st Brigade Phil. Army Commanding Officer Alberto Desoyo, magakoordinar sila sa Philippine National Police (PNP) may kaangtanan sini bangud kinahanglan nga maistoryahan antes ilakip ang isa ka lugar sa EWAS.

Sandig sa guidelines sang COMELEC, para malakip ang isa ka lugar sa EWAS hibalu-on kon may history sang intense political rivalry kag presensya sang armed group ukon insurgency sa lugar.

Nahibaluan nga humalin sang Enero 11, tatlo na ka engkwentro ang nagluntad sa banwa sang Miagao.