ILOILO – Nagnubo na sa 28 gikan sa 88 ka barangay sa probinsya sang Iloilo ang ginakabig nga election watchlist areas ukon EWAS.
Suno kay Election Provincial Officer Atty. Elizabeth doronila nagnubo sa 28 ka barangay ang ewas sa probinsya santo sa ginkasugtan kag pagverify sang Provincial Joint Security Command Center (PJSCC) kahapon.
Ang PJSCC ginalakipan sang COMELEC-Iloilo, IPPO kag Philippine Army.
Suno kay Doronila matapos ang verification may 15 ka barangay ang ara sa category 1 ukon mga barangay nga may natabu na ang election-related incidents; 10 ang category 2 ukon may problema sa internal security kag apektado sang CPP-NPA-NDF kag 3 ang sa category 3 nga may combinasyon sang categories 1 kag 2.
Subong man gin-athag ni Doronila nga mahimo pa maverify sang dugang ang mga ara sa listahan.
Hatagan sang priority ini nga mga lugar sa deployment sang siguridad agud masigurado ang kalinong kag katawhay sang election sa Mayo 14.
Photo from web
