Jamindan, Capiz – Pilason ang 36- anyos nga persona matapos ini ang giluthang, pasado alas sais(6) sang aga sa Barangay Caridad banwa sang Jamindan.
Nakilala ang biktima kay Orly Cornelio y Villeza, residente sang nasambitan nga lugar nga subong ang padayon nga ginabulong sa isa ka pribado nga ospital sa syudad sang Roxas.
Samtang ang ginatudlo nga suspek amo si Joan Andre Garboza y Fermases, 34-anyos nga isa ka ex-army kag residente sang nasambitan nga lugar.
Suno sa inisyal nga imbestigasyon sang Jamindan MPS, naga-obra sa olumhan ang biktima sang nag-abot ang suspek kun sa diin nagluntad ang pagsabtanay sa tunga sang mga ini.
Nagkuha sang pusil ang suspek kag gilayon nga ginluthang ang biktima gamit ang ginapahayag 12- gauge shotgun.
Away sa duta ang isa sa mga ginasunod sang kapulisan nga motibo sang krimen.
Samtang boluntaryo naman nga nagsurrender sa mga kapulisan sa banwa sang Jamindan ang suspek.
📷 MDRRMO Jamindan
