Gintiro sang wala pa makilala nga suspek ang isa ka anay barangay kagawad sa Crossing Brgy. Kumaliskis, banwa sang Don Salvador Benedicto pasado las 8 sini gid lamang nga aga.
Ang biktima nakilala kay Nanding Toreno, anay barangay kagawad sang amo nga barangay kag utod ni Sangguniang Bayan Member Dodoy Toreno sang Salvador Benedicto.
Suno sa initial investigation sang Salvador PNP, ang biktima nagasakay sa iya motorsiklo sang ini ang gindulugan sang isa ka awto nga pula kag ginamangkot kon bala siya si Nanding Torreno.
Sang nagsabat ang biktima nga siya si Nanding, hinali na lamang ini nga gintiro sang suspek gamit ang .45 kalibre sang armas kag naigo sang tatlo ka beses lakip sa iya ulo.
Gindala sa isa ka ospital diri sa Bacolod ang biktima apang ginbawi-an sang iya kabuhi, samtang gilayon naman nga nagpalagyo ang suspek sa direksyon padulong sa San Carlos City.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
