Ex-bf nga mastermind sa restobar blast ginagukod pa sa kapulisan, getaway vehicle na-recover

Davao City- Wala gihapon mi-surrender ang prime suspek sa Calinan Poblacion Restobar explosion human sa panawagan ni Davao City Police Office City Director Police Col. Alberto Lupaz.

Sumala ni Police Major Ricky Obenza, Calinan Police Station Commander, nagpadayon ang paggukod sa kapulisan ngadto sa mastermind sa pagpabusikad nga ex-boyfriend sa restobar owner nga si Monalisa Alegarme Melhem.

Samtang narekober na sa Calinan Police ang girentahang pula nga Toyota Vios Sedad sa mga suspek nga gigamit usab sa krimen didto sa Tagum City, Davao del Norte.

Matud ni Police Captain Hazel Tuazon, DCPO spokesperson, nakapangalan ngadto kang Kristy Rodriguez Abadu ang girentahang behikulo nga karelasyon sa suspetsado.

Gilantaw sa DCPO nga pasakaan usab og kaso ang nasangpit nga babaeng nagrenta sa sugad.

Kasong Murde, Damage to property(Malicious mischief ) Frustrated murder, Explosive RA 9516 ang gipasaka batok sa nadakpang suspetdado nga si Roel Galleon Coquilla.

RadyoMaN Aimee Guinita