Gipusil patay sa tulo ka wala maila nga mga mamumuno ang usa William Araneta Manili, 26 anyus adunay ka live in ug residenti sa brgy. Macopa, Carmen Agusan del Norte. Nasayran sa imbistigasyon sa Carmen Municipal Police Station pinaaggi ni SPO1 Noel Perang nga bandang alas 8:30 sa gabie nag-standby sa tindahan ang biktima ug didto gikuha sa mga suspek ug gidala sa kalubihan nga bahin. Paglabay sa pipila ka mga gutlo adunay nabati nga buto sa armas ang mga residenti hinungdan nga nangayu sila’g tabang sa kapulisan. Sa pagrespondi sa kapulisan nakita nga wala na’y kinabuhi ang biktima nga kinsa nakaangkon ug lima ka mga samad pinusilan sa likod nga bahin. Na-recover sa crime scene ang mga basyo sa bala sa kalibre .45 nga armas. Gikabutyag nga nalambigit sa pagpanigbas ang biktima niadtong nakalabyang buwan. Sa karon padayun pa’ng giimbistigahan sa Carmen PNP ang nasangpit nga insidente. Sent from my Samsung Galaxy smartphone.
