Padayon pa karon ang gihimong makuting imbistigasyon sa kapulisan sa lungsod sa Siayan may kalabot sa nahitabong pagpamusil patay sa usa ka biktima didto sa may Sitio Datagan, Brgy. Guibo, lungsod sa Siayan, niadtong adlawng lunes bandang 10:15AM.
Usa sa ilang gitan-aw karon ngaanggulo mao ang matod pa sakop sa terorista ang mihimo sa maong pagpamusil base na usab sa saysay sa pamilya sa namatay nga si Diosdado Quimas Malanao, 56 anyos residente sa nahisgutna nga dapit.
Una niini, gikabutyag nga ang biktima uban sa iyang pamilya anaa kini sila sa gawas sa ilang panimalay ug matod pa nga kalit lang miabot ang mga ssuspetsado bitibit ang tag-as nga mga armas ug sa walay daghan pangutana ang duha ka armado mipusil sa biktima sa upat ka higayon sa nagkadaiyang parte sa lawas sa biktima hinungdan saw ala damhang kamatayon. Human niadto gitiunan sa mga suspetsado ang kauban niiini nga sakop sa pamilya ug nagkanayon (wala moy labot, siya ra among toyo).
Sa pagsukit-sukit usab sa imbistigador nga si SPO1 William B. Olvido Jr. ngadto sa mga kabanay ug sa mga opisyales barangay nasayran nga usa kini siya ka ex CAFGU ug tanod sa tuig 1990’s ug matod pa sa iyang pamilya ug mga kaila ngilngig usab ang kaagi niini.
Duha karon ang gitutukan nga hinungdan una may kalbot sa iyang trabaho kaniadto ug ang pagpakusog sa pwersa sa NPA ilabi na nga laban-bawi ang hisgutanang kalinaw.
