Ex-con gipusil patay

14

General Santos City–Padayun pang gi-imbistigahan karon sa Police Station 3 ang lain na usab nga pag pamusil patay sa ilahang area of responsibility kung diin ulahing nabiktima ang usa ka Raymund Rapista, legal age, nga residente sa Brgy. Lagao, Gensan human gipusil sa riding in tandem, alas 2.00 pasado ang takna sa hapon sa Purok. 15, sa samang Barangay.

Sumala kang Police Chief Inspector Peter Pinalgan Jr., hepe sa Police Station 3 nga daling gidala sa kapulisan ang biktima sa ospital apan nakabsan kini sa iyahang kinabuhi gumikan sa igo pinusilan sa ulo.Narekober sa crime scene ang basyo sa kalibre 45 nga armas nga posibleng gigamit sa pagpamusil.

Dugang pamahayag ni PCI Pinalgan nga basi sa ilang inisyal nga imbestigasyon, bag-uihay lang nakagawas sa Lanton Reformatory Center ang biktima gumikan sa kasong reckless imprudence resulting to physical injury.

Sa karon, blangko pa sila sa posibleng motibo sa maong pagpamusil ingon man ilhanan sa suspek gumikan sa nakatabon matud pa ang mga nawong.

Lakip sa ilahang ginatutukan karon mao ang posibleng mga CCTV footage sa lugar nga makatabang sa ilahang imbestigasyon. (Dave Silagan)

Facebook Comments