Davao City- Nanganti karon ang Sasa PNP nga dili nila santohon ang mga padayon nagdula sa iligal nga droga sulod sa ilang area of responsibility.
Ang pamahayag sa Presinto 4 subay sa gipakusgan nga kampanya kotra iligal nga droga.
Katapusan nga gilutos sa mga otoridad mao si Al Shierav Ahmad, 30 anyos, minyo, ug residente sa Bunawan ning siyudad.
Misukol ang suspek sa mga pulis hinungdan gipusil sa mga otoridad resulta sa kamatayon niini.
Dakpon unta nga buhi sa mga pulis si Ahmad apan mibunot kini og pistola dayon pamusil atol sa gilusad nga buy-bust operation sa Bunawan area alas 7 sa kagabhion.
Ang Scene of the Crime Operatives 11 nakarekober og handgrenade, .38 revolver, ug duha ka elongated sachet sa shabu nga iya matud pa sa suspek.
Si Ahmad notado nga tigsuplay og droga sa Bunawan ug Sasa area ug sa taas nga panahon gipailawom sa surveillance sa mga otoridad ang suspek.
Kanhi na usab kini nakumbikto ug napreso sa Davao Penal Colony sa Davao del Norte tungod sa kaso gihapon nga droga.
Apan ang korte suprema mi-usab sa desisyon sa lower court maong nakagawas kini sa DAPECOL niadtong Marso 14, 2018.
Ang suspek gilubong na sa iyang kabanay subay sa tinuohoang Islam.
RadyoMaN Joel Viray
