Roxas City, Capiz – Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubang on sang 35- anyos nga persona matapos ini ang nadakpan sa ginkasa nga drug buy bust operation sang mga katapo sang Regional Drug Enforcement Unit (RDEU) sa Sitio San Juan, Barangay Baybay, Roxas City.
Ang subject person ang nakilala kay John Michael Aranza, residente sang nasambit nga lugar kag isa ka ex- convict.
Natigayon nga marekober sa iya posisyon ang lima (5) tanan ka sachet sang suspected shabu, cellphone, pouch, kag 16,100 pesos nga drug buy-bust money lakip ang boodle money.
Suno kay Kapitan Rey Magallanes sang Barangay Baybay, Roxas City matapos nga nakaguha sa presuhan ang amu nga persona, iya ini ginpatawag kag ginpahanumdom kay Aranza nga untatan ang iligal nga buluhaton.
Nahibaluan nga nagdugay sang kapin sa tatlo(3) ka semana ang ginpatigayun nga pagsubaybay sa hilimuon sang amo nga persona antes ini ginpaidalom sa buy bust operation.
