Ex-convict ug no. 1 sa drug watchlist balik sa prisohan

Davao City – Wala napul-i sa prisohan ang usa ka lalaki human kini nadakpan sa buy-bust operation sa Westbend Street, San Antonio Village, Matina, Davao City alas 2:40 sa hapon kagahapong adlawa (Pebrero 24, 2022) sa pagpanguna sa Philippine Drug Enforcement Agency (PDEA)- XI, Special Enforcement Team (RSET) ug National Bureau of Investigation SEMRO XI.

Ang suspek mao si Victor Pormento alyas Vic/Tata, 60 anyos, single, number 1 sa City Target List ug residente sa nahisgutang lugar.

Nakuha sa posisyon sa suspek ang usa ka pakete (10 gramos) sa gituohang shabu kantidad P10,000. Kini gawas pa sa laing duha ka dagkong pakete (19 gramos) kantidad P285,000 ug mga shabu paraphernalia.

Nasayrang nadakpan na niadtong Marso 2004 si Pormento tungod sa paglapas sa Republic Act 9165 ug naka-bail. Disyembre 2014 sa dihang nadakpan na usab kin sa pagpamaligya’g iligal nga droga ug nakagawas niadtong Oktubre 2019 human naka-avail sa plea bargaining.

Mag-atubang karon ang suspek sa kasong paglapas sa Section 5 (Sale of Dangerous Drugs), Section 11 (Possession of Dangerous Drugs) and Section 12 (Possession of Drug Paraphernalia) Article II of Republic Act 9165 (Comprehensive Dangerous Drugs Act of 2002).

RadyoMaN Kirby Manzon