GENERAL SANTOS CITY – Nagpabaling anaa sa Gensan Medical Center sa Barangay Calumpang ang kanhing konsehal sa dakbayan nga karon presidente og usa sa mga claimants sa usa ka dakong luna sa Barangay Labangal human nga kini mihangyo og hospital arrest tungod nisaka ang blood pressure.
Kahibaw-an nga nasikop sa gipahigayong search warrant implementation ang panimalay og opisina ni Rodrigo “Boy” Olarte sa Prk. Magsaysay A, Barangay Labangal og nakuha matud pa didto ang usa ka granada alas 3:57 sa hapon adlawng Martes.
Ang operasyon ang gipangunahan sa City Mobile Force Company nga gipangunahan ni PSupt. Geovanie Ladeo og PCInsp. Patrich Elma sa Makar Police Station 2.
Nakumpiska sa raiding team sa pulis ang wala matud pa’y mga dokumentong armas sa tulo ka mga gwardya ni Olarte mao ang .38 revolver nga adunay unom ka mga bala, 12 gauge shotgun nga adunay 4 ka mga bala, og usa ka 9mm pistol may usa ka magazine unod ang 9 ka mga bala nga ginahuptan sa mga gwardya.
Pagsupak sa RA 10591 Comprehensive Firearms and Ammunition Regulation Act og RA 9516 o paghupot sa eksplosibo ang posibleng atubangon nga kaso sa nahisgutan.
