General Santos City – Pormal nang napasang-atan og kaso nga pagsupak sa RA 10591 o unlawful possession of firearms and ammunition ang kanhing sakop sa Civil Security Unit sa Local Government Unit sa Gensan.
Sumala pa kini sa pamahayag ni Police Major Richard Ybañez, hepe sa Tambler Police Station nga naduso ngadto sa piskalya ang maong kaso.
Samtang magdepende usab karon sa kampo sa suspek nga si Ronald Jamer Barbasan kung kini mopyansa sa iyang kaso aron makaangkon og temporaryong kagawasan.
Dugang ni PMaj. Ybañez nga aduna silay intelligence report nga naghupot og armas ang suspek na si Barbasan hinungdan ilahang gi-verify ang mission order og nigawas nga expired na.
Samtang gisuta usab sa kapolisan kung konektado pa ba sa City Hall ang maong suspek og nasayran nila nga dili na.
Gikanayon usab sa opisyal nga wala siya masayod kung pila ang mamahimong ipyansa sa suspek sa iyang kasong giatubang og posibleng moabot kini ngadto sa 120 mil pesos.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation [image: 107436284_1670417663134688_5201133651708908951_o.jpg]
