Ang biktima nakahiagom og anaa sa 44 ka mga samad dinunggaban sa nagkadaiyang parte sa iyahang lawas.
Sa interbyu sa DXDC RMN Davao kang Police Major Romeo Mapanao Jr., Station Commander sa Baliok Police Station, giidentipika kini nga si Lilian Nieva, 57 anyos ug kanhi government employee.
Gisaysay sa igsuon nga nabalaka na kini tungod wala gatubag sa tawag ang iyahang magulang sukad niadtong Setyembre 28 sa hapon ug giadtuan niya ang balay kagahapon ug nakita na niini ang mga dugo sa flooring sa balay ug patayng lawas sa biktima.
Sa imbestigasyon nag-inusara nalang nga nagpuyo sa maong balay ang biktima.
Sa gilusad nga parallel investigation sa SOCO nasayran nga nawala ang mga gamit sa biktima nga Iphone 12 ug undetermined amount sa assorted jewelries.
Posible usab nga kaila ra sa biktima ug anaa sa duha ka mga suspek ang nihimo sa krimen.
Segun ni Mapanao, nangalap pa sila’g mga witnesses ug cctv footages sa perimeter sa crime scene sa gipalawmang imbestigasyon sa pagpatay sa biktima.
RadyoMaN Aimee Guinita
