EX-INTEL OFFICER SA ARMY OG LAING DUHA PATAY SA POLICE OPERATION
GENERAL SANTOS CITY – Dead on arrival sa Dr. Jorge Royeca Hospital ang retiradong intelligence officer sa kasundalohan og laing duha pa human matod pa nisukol sa police operation sa Sarangani Province sayo sa buntag adlawng Sabado Hunyo 2 ning tuiga.
Ang operasyon gipangunahan sa Regional Police Drug Enforcement Unit 12 kauban ang mga kapolisan sa probinsya og munisipyo sa Alabel aron isilbi ang upat ka mga search warrants pirmado ni Judge Oscar Noel Jr. sa RTC Branch 38 tungod sa paghupot og iligal nga droga.
Giila ang mga napatay sa maong hitabo na silang Edwin Jumuad, 52-anyos, kanhing sundalo, residente sa Purok 2, Poblacion, Alabel; Carlo Esto, 31-anyos, buy and seller, residente sa Cogonal, Poblacion, Alabel ug Danilo Villaflor, 50-anyos, drayber og residente sa Purok 8 sa mao gihapong barangay sa munisipyo.
Parehong nakaangkon og multiple gunshot wounds ang mga nahisgutan igo sa ilang mga dughan og likod nga bahin sa ulo human matod pang nisukol sa mga pulis nga nag-implementar sa search warrants.
Kanhi nang nagpatin-aw sa ilang kaugalingon silang Jumuad og Danilo tungod sa pagkalambigit sa iligal nga droga samtang si Esto ang wala matod pa nalambigit sa iligal nga droga subay sa pamahayag sa iyang inahan nga si Vicky.
Sa maong operasyon nakuha sa panimalay sa mga suspek ang mga armas og iligal nga droga.
For more info’s and updates, like and share our official facebook account : www.facebook.com/ifm91.9Gensanofficial/
