Davao City – Duha ka kaso ang gi-file na sa Prosecutors Office batok sa high value target suspect nga usa ka kasamtangang Brgy. Kagawad ug kanhi Brgy. Kapitan nga si Arnold Maalat, 48 anyos, nagpuyo sa Brgy. Communal Buhangin, siyudad sa Davao.
Kasong kalapasan sa Section 5, 11 ug section 12 sa Article 2 sa Republic Act 9165 kun Comprehensive Dangerous Drugs Act of 2002 ug kasong kalapasan sa Akta Republika 10591 kun Illegal Possession of Firearms and Ammunition ang nasang-at na kagahapong adlawa ngadto sa korte.
Kahinumdoman nga nasikop ang suspect niadtong petsa 26 adlaw sa Domingo alas 5:20 sa buntag didto sa Brgy. Communal Buhangin, dakbayan sa Davao.
Human gilusad ang Entrapment Operation sa pagpanguna sa Philippine Drug Enforcement Agency (PDEA) atol sa pag-aresto sa suspect, nakuha sa PDEA ang 40 ka gramos nga shabu nga mokantidad sa dol-an tunga sa milyones ka pesos lakip nakompiska ang usa ka 9 mm nga pistol, granada ug mga drug paraphernalia.
Sumala ni PDEA XI Acting Regional Retired PSSupt. Antonio Rivera nga ang suspect dugay na ginapanid-an nga nagatulak og shabu ug nahiapil sa listahan nga usa sa dakpunonon.
RadyoMaN Don Pulayao
