Davao City – Mag-atubang og tukmang silot si Police Chief Inspector Nathaniel Millado ang kanhi Deputy Police Chief sa Malita Municipal Police Station kinsa gireklamong nagmaoy, nanutok ug nagpabuto sa iyang pusil didto sa Barangay Catalunan Pequeño, Davao City.
Sumala ni Davao Occidental Police Provincial Office Director Pssupt Thor Cuyos nga wala sila nagkulang sa pagpasidaan sa tanang pulis nga mamahimong responsable kanunay ilabina sa ilang gipangkuptang armas.
Nagpadala usab og imbestigador si Cuyos nga mututok sa kaso ni Millado.
Sumala ni Cuyos nga ipalawom ang gireklamong pulis sa due process ug nakigkoordinar na sila sa Davao City Police Office.
Matud ni Cuyos nga sa kasamtangang, nag-schooling si millado ug gikatakda unta siyang mabutang sa investigation section sa Malita.
Subling pahimangno sa hepe sa iyang ginsakpan nga ayuhon ang ilang pagpanerbisyo isip pulis ilabina karon nga gidoble pa ang ilang ginadawat nga sweldo.
RadyoMaN Aimee Guinita
