TACLOBAN CITY – Ginkasuhan ha Sandiganbayan an anay Mayor han usa nga bungto ha probinsya han Samar ngan duha pa nga Local Officials ha pagtalapas han Government Service Insurance System (GSIS) Law kay waray makag-remit ha GSIS premiums tikang dida han 2008 ngadto 2012, nga may sumatotal P6-M nga kantidad han kontribusyon.
Hi anay San Sebastian Samar Mayor Arnold Abalos, Municipal Treasurer Virginia Uy ngan Municipal Accountant Pepita Mabini in ginpasakahan hin 40 counts ha pagtalapas han section 52 han Republic No. 8291 o an Government Service Insurance System Act of 1997.
An Anti-Graft Court in nag order ha tulo nga akusado nga magbayad hin tag P5,000 kada count nga may sumatotal nga P200,000.
Dida han re-arraignment, an mga akusado in gin-akseptar an tanan nga alegasyon ha non-remittance han P6.9M nga GSIS contribution, kumo pagtalapas ha ilarom han Republic Act No. 8291.
